Pange Lingua

C1. Pange, lingua, gloriosi corporis mysterium, Sanguinisque pretiosi, quem in mundi pretium Fructus ventris generosi rex effudit gentium.

R. Jésus, Jésus, nous t'adorons, ô Jésus.

C2. Nobis datus, nobis natus ex intacta Virgine Et in mundo conversatus, sparso verbi semine, Sui moras incolatus miro clausit ordine.

R. Jésus, Jésus, nous t'adorons, ô Jésus.

C3. In supremæ nocte cenæ recumbens cum fratribus, Observata lege plene cibis in legalibus, Cibum turbæ duodenæ se dat suis manibus.

R. Jésus, Jésus, nous t'adorons, ô Jésus.

C4. Verbum caro, panem verum verbo carnem efficit ; Fitque sanguis Christi merum, et, si sensus deficit, Ad firmandum cor sincerum sola fides sufficit.

R. Jésus, Jésus, nous t'adorons, ô Jésus.

C5. Tantum ergo sacramentum veneremur cernui, Et antiquum documentum novo cedat ritui ; Præstet fides supplementum sensuum defectui.

R. Jésus, Jésus, nous t'adorons, ô Jésus.

C6. Genitori Genitoque laus et jubilatio, Salus, honor, virtus quoque sit et benedictio ; Procedenti ab utroque compar sit laudatio. Amen.

R. Jésus, Jésus, nous t'adorons, ô Jésus.